Google ADS

Juve i shmanget barazimit, siguron në fund tre pikë ndaj Milanit (VIDEO)

22:45 | 10 Mars 2017
Arbresh Info

Takimi i 164-të ndërmjet Juventusit dhe Milanit në Serie A ka përfunduar në mënyrë të jashtëzakonshme.

Kampioni italian siguroi fitore me rezultat 2 me 1 në takimin e xhiros së 28 të zhvilluar në Turin si nikoqir, shkruan portali arbresh.info.

Skuadra e Massimiliano Allegrit siguroi epërsinë në minutën e 30′ përmes mbrojtësi Medhi Benatia pas asistimit nga ish ylli i Barcelonës, Dani Alves. Megjithatë, shifrat u barazuan edhe pa përfunduar pjesa e parë.

Milani barazoi pas një kundërsulmi të shpejtë përmes sulmuesit qendror Carlos Bacca. 30-vjeçari shënoi për 1 me 1 në minutën e 43′ të ndeshjes pas asistimit nga Gerard Deulofeu.

Sidoqoftë, goli i fitores së Juventusit erdhi në minutat shtesë të takimit përmes sulmuesit Paulo Dybala, i cili u tregua i saktë nga pika e bardhë.

Gjiganti italian iu shmang barazimit të dytë në Serie A këtë edicion me golin e shënuar nga Dybala në minutën e fundit  (94′) të kohës shtesë./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm